ექიმ-დერმატოლოგ რუსუდან კახიძეს სამედიცინო სფეროში მრავალწლიანი გამოცდილება გააჩნია. მან განათლება თბილისის სახელმწიფო სამედიცინო უნივერსიტეტში მიიღო სამკურნალო მიმართულებით, მოგვიანებით კი სპეციალური კურსების მეშვეობით ცოდნა გაიღრმავა კოსმეტოლოგიაში. მან მიიღო სახელმწიფო სერთიფიკატი დერმატოლოგიასა და ვენეროლოგიაში. მას ასევე აქვს სერთიფიკატები ისეთი მიმართულებებით, როგორიცაა, მეზოთერაპია ესთეტიკურ მედიცინაში, არატრადიციული მედიცინის გამოყენება დერმატოლოგიაში, ნატურალური კოსმეტოლოგიის გამოყენება დერმატო-კოსმეტოლოგიაში. მრავალმხრივი განათლება მიიღო როგორც საქართველოში, ასევე გერმანიაში.

იგი მუშაობდა თბილისის კანისა და ვენ-სნეულებათა ცენტრალური კლინიკური დისპანსერის ექიმ დერმატო-ვენეროლოგად, ინტერნად. მოგვიანებით კი კანისა და ვენ-სნეულებათა სამეცნიერო-კვლევით ინსტიტუტში ექიმ დერმატო-ვენეროლოგად. მომდევნო წლებში ექიმი რუსუდან კახიძე N4 კანისა და ვენ-სნეულებათა დისპანსერის განყოფილების გამგე გახლდათ. სამუშაო გამოცდილება მიიღო ასევე მოსკოვის ესთეტიკური მედიცინის კლინიკებში. 2008 წლიდან იგი კლინიკა ავერსის ექიმი დერმატო-ვენეროლოგი გახლდათ, ხოლო 2011 წლიდან დღემდე საოჯახო სამედიცინო ქართულ-ამერიკული კლინიკა მედიქალ ჰაუსის ექიმი დერმატო-ვენეროლოგი და ექიმი დერმატო-კოსმეტოლოგია. ასევე 2013 წლიდან დღემდე დავით ტვილდიანის უნივერსიტეტის სარეზიდენტო პროგრამის საოჯახო მედიცინა დერმატოლოგიის მოდულის ხელმძღვანელია. 2015 წლიდან იგი ალექსანდრე ალადაშვილის სახელობის კლინიკის ექიმი დერმატო-ვენეროლოგიცაა.

რუსუდან კახიძეს უწყვეტი პროფესიული განვითარების გზაზე მიღებული აქვს მონაწილეობა მრავალ საერთაშორისო და ადგილობრივ კონფერენციაში. ასევე სხვადასხვა ტრენინგსა და მოკლევადიან კურსებში, როგორც საქართველოში ისევე მის ფარგლებს გარეთ.