ფოლიკულიტი

მიმოხილვა

ფოლიკულიტი არის საკმაოდ გავრცელებული კანის მდგომარეობა რომელიც გამოწვეულია თმის ფოლიკულის ანთებით. განარჩებენ ზედაპირულ (ოსტიოფოლიკულიტი) და ღრმა ფოლიკულიტს. ზედაპირული ფოლიკულიტი - ხდება 2-5 მმ დიამეტრიანი პუსტულების წარმოქმნა, რომელთაც აქვთ კონუსისებური ან ნახევარმთვარისებური ფორმა და მათი შუა ნაწილი დაკავშირებულია თმის გვირგვინთან . ტკივილის შეგრძნება, როგორც წესი, არ აღინიშნება. ზედაპირული ფოლიკულიტი გრძელდება რამოდენიმე დღე. მეორე-მესამე დღეს ჩირქგროვის შიგთავსი ხმება და წარმოიქმნება მოყავისფრო ქერქი, რომლის მოცილების შემდეგაც რჩება მცირედი პიგმენტაცია და აქერცვლა. ზედაპირული ფოლიკულიტის სახეებს მიეკუთვენბა : ბაქტერიული ფოლიკულიტი, ფსეუდომონას ფოლიკულიტი, ფსევდოფოლიკულიტი. ღრმა ფოლიკულიტი - კანზე ჩნდება წითელი, მკვრივი მტკივნეული კვანძები რომელთა ზომაც 10 მმ-ს აღწევს. შემდგომ პუსტულა იხსნება და წარმოიქმნება მოყვითალო ქერქს. ასეთი ფოლიკულიტი შესაძლოა განვითარდეს დამოუკიდებლად ან გარდაიქმნას ზედაპირული ფოლიკულიტიდან. გამონაყარის გაჩენა დაახლოებით 4-7 დღე გრძელდება. მრავლობითი ფოლიკულიტები ხშირად აღენიშნებათ მამაკაცებს კანის მექანიკური დაზიანების შედეგად. ღრმა ფოლიკულიტის სახეებია : სიკოზი, გრამ უარყოფითი ფოლიკულიტი, ფურუნკული და კარბუნკული, ეოზინოფილური ფოლიკულიტი.

სიმპტომები

ფოლიკულიტის ზოგადი ნიშებია :

 

  • კანის ზედაპირზე პუსტულების გაჩენა
  • ჩირქიანი კერების გახსნის შედეგად წარმოქმნილი ქერქი
  • მტკივნეული, მგრძნობიარე კანი
  • ზოგჯერ მსუბუქი ქავილი

მიზეზები

ფოლიკულიტი ძირითადად გამოწვეულია სტაფილოკოკური ინფექციით. გამომწვევი ასევე შეიძლება იყოს ვირუსი, სოკო და ჩაბრუნებული თმის ანთება. ფოლიკულები გხვდება მთელ ტანზე გარდა ტუჩების, ლორწოვანი გარსის, ფეხისა და ხელის გულების. ფოლიკულიტი შეიძლება დაემართოს ყველას მაგრამ არსებობს ფაქტორები, რომლებიც ზრდის ინფექციის გაჩენის რისკს, როგორებიცაა :

 

  • იმუნიტეტის დაქვეითება
  • აკნე ▪ დერმატიტი
  • ადგილობრივად სტეროიდის ხმარება
  • ხანგრძლივი დროით ანტიბიოტიკის მიღება
  • ისეთი ტანსაცმლის ხმარება, რომელიც ოფლს და სითბოს აკავებს
  • თმის ფოლიკულის დაზიანება გაპარსვით, ვაქსით ან ძალიან მჭიდრო ტანსაცმლის ხმარებით.

მკურნალობა

ფოლიკულიტის სამკურნალოდ გამოიყენება

 

  • ორალური და ლოკალური ანტიბიოტიკები
  • სოკოს საწინააღმდეგო საშუალებები
  • ფოტოდინამიური თერაპია

პრევენცია

ფოლიკულიტისთვის პრევენციისთვის რეკომენდაციები გულისხმობს მისი განვითარების ხელშემწყობი ფაქტორების თავიდან არიდებას, როგორებიცაა :

 

  • მჭიდრო ტანსაცმლის ხმარება
  • წვერის გაპარსვის

 

ასევე რეკომენდებულია:

 

  • პირადი ჰიგიენის ნორმების დაცვა;
  • კანის მიკროტრავმების დროული დამუშავება;
  • დაბალანსებული კვება;
  • ჰიპერჰიდროზის კონტროლი.

შეკითხვა დერმატოლოგს

ანონიმური, სწრაფი, დაცული

შეკითხვა დერმატოლოგს