სებორეული დერმატიტი

მიმოხილვა

სებორეული დერმატიტი, იგივე სებორეა, ეს არის კანის ერთ ერთი ყველაზე გავრცელებული, ქრონიკული მდგომარეობა, რომელის დროსაც კანზე ვითარდება მკაფიო საზღვრების მქონე, ერითემული, ქერცლით დაფარული ლაქები, რომელიც ძირითადად აზიანებს თავის საფარს, სახეს, თვალის ირგვლივ მიდამოს და ტანს. სებორეული დერმატიტი გვხვდება ნებისმიერი ასაკისა თუ სქესის წარმომადგენლებში. ხშირია ბავშვებში და მოზარდებში.

სიმპტომები

სებორეული დერმატიტის ძირითად სიმპტომებს მოიცავს:

 

  • ქერტლის არსებობა თავზე, წარბებზე, წვერზე
  • ცხიმოვანი შესახედაობის წითელი ლაქების არსებობა, რომლებიც დაფარულია ყვითელი ქერცლით ან ფუფხით
  • შეწითლებული, ანთებადი კანი
  • ქავილი

 

სებორეულმა დერმატიტმა შეიძლება გავლენა იქონიოს თვალზე და გამოიწვიოს ბლეფარიტი.

მიზეზები

სებორეული დერმატიტის გამომწვევი მიზეზი უცნობია, მაგრამ უნდა გვახსოვდეს რომ ეს არ არის ცხიმოვანი ჯირკვლების დაავადება. ცნობილია მასზე მოქმედი ხელშემწყობი ფაქტორები :

 

  • გენეტიკური წინასწარგანწყობა
  • ჰორმონალური ცვლილებები
  • კუჭ-ნაწლავის დაავადებები
  • ენდოკრინული პათოლოგიები
  • სტეროიდების ხანგრძლივი მოხმარება
  • კანის არასწორი მოვლა

 

Malassezia-ს სახეობის პროლიფერაცია ითვლება დაავადების ერთ-ერთ მთავარ ხელშემწყობ და თანამონაწილე ფაქტორად.

მკურნალობა

სებორეული დერმატიტი, როგორც უკვე ავღნიშნეთ არის ქრონიკული მდგომარეობა, ამიტომ მკურნალობის მიზანია დაავადების შესამჩნევი ნიშნების ალაგება და თანმდევი სიმპტომების შემსუბუქება (როგორიცაა ანთება და ქავილი). სებორეული დერმატიტისთვის სამკურნალო საშალებებია :

 

  • ადგილობრივად ანთების საწინააღმდეგო საშუალებები
  • ადგილობრივად სელენის სულფიდი, ლითიუმის სუქცინატი და გლუკონატი, თუთია, სალიცილის მჟავა
  • ადგილობრივი სოკოს საწინააღმდეგო საშუალებები
  • მსუბუქი სტეროიდული საშუალებები

პრევენცია

პაციენტმა სებორეული დერმატიტით სასურველია გამოიყენოს სოკოს საწინააღმდეგო შამპუნი, რომელიც შეიცავს კეტოკონაზოლს.

შეკითხვა დერმატოლოგს

ანონიმური, სწრაფი, დაცული

შეკითხვა დერმატოლოგს