სებორეული დერმატიტი, იგივე სებორეა, ეს არის კანის ერთ ერთი ყველაზე გავრცელებული, ქრონიკული მდგომარეობა, რომელის დროსაც კანზე ვითარდება მკაფიო საზღვრების მქონე, ერითემული, ქერცლით დაფარული ლაქები, რომელიც ძირითადად აზიანებს თავის საფარს, სახეს, თვალის ირგვლივ მიდამოს და ტანს. სებორეული დერმატიტი გვხვდება ნებისმიერი ასაკისა თუ სქესის წარმომადგენლებში. ხშირია ბავშვებში და მოზარდებში.

სებორეული დერმატიტის ძირითად სიმპტომებს მოიცავს:

• ქერტლის არსებობა თავზე, წარბებზე, წვერზე
• ცხიმოვანი შესახედაობის წითელი ლაქების არსებობა, რომლებიც დაფარულია ყვითელი ქერცლით ან ფუფხით
• შეწითლებული, ანთებადი კანი
• ქავილი

სებორეულმა დერმატიტმა შეიძლება გავლენა იქონიოს თვალზე და გამოიწვიოს ბლეფარიტი.

სებორეული დერმატიტი, როგორც უკვე ავღნიშნეთ არის ქრონიკული მდგომარეობა, ამიტომ მკურნალობის მიზანია დაავადების შესამჩნევი ნიშნების ალაგება და თანმდევი სიმპტომების შემსუბუქება (როგორიცაა ანთება და ქავილი). სებორეული დერმატიტისთვის სამკურნალო საშალებებია :

• ადგილობრივად ანთების საწინააღმდეგო საშუალებები
• ადგილობრივად სელენის სულფიდი, ლითიუმის სუქცინატი და გლუკონატი, თუთია, სალიცილის მჟავა
• ადგილობრივი სოკოს საწინააღმდეგო საშუალებები
• მსუბუქი სტეროიდული საშუალებები