მელანომა არის კანის ფენებში არსებული პიგმენტური უჯრედების,მელანოციტებისგან, განვითარებული სიმსივნე. ვინაიდან იგი წარმოადგენს პოტენციურად ავთვისებიან სიმსივნეს, მნიშვნელოვანია მისი აღმოჩენა ადრეულ ეტაპზე. მისი ზუსტი გამომწვევი ცნობილი არ არის, თუმცა მის განვითარებაში დიდი როლი აქვს მზის ულტრაიისფერ გამოსხივებას. საეჭვო წარმონაქმნის აღმოჩენის შემთხვევაში აუცილებელია მუდმივი დაკვირვება და სკრინინგი.

მელანომა შეიძლება განვითარდეს სხეულის ნებისმიერ ნაწილში. მისი პირველადი ნიშებია :

• ცვლილებები არსებულ ხალში
• ახალი ხალის ან უჩვეულო შესახედაობის პიგმენტური წარმონაქმნის გაჩენა კანზე.

იმის გათვალისწინებით, რომ ნორმალური ხალი უმეტესწილად არის ერთი ფერის, მკაფიო საზღვრების მქონე, ოვალური წარმონაქმნი, მოწოდებული არის რამდენიმე საერთაშორისო კრიტერიუმი ( ABCDE ), რომელზე დაკვირვებითაც მელანომა საწყის ეტაპზევე შეიძლება იქნას აღმოჩენილი. აუცილებლად უნდამიმართოთ ექიმს თუ ხალი :

• A - Asymetry - ასიმეტრიულია;
• B - Borders - აქვს უსწორმასწორო კიდეები;
• C - Color - სხვადასხვა ფერისაა;
• D - Diameter -ზომით მეტია ვიდრე ექვს მილიმეტრი;
• E - Evolvution - დროთა განმავლობაში იცვლება. თუმცა მელანომა ყოველთვის ხალიდან არ იწყება. ერთი შეხედვით ჩვეულებრივ კანზეც შეიძლება განვითარდეს.

მელანომა უნდა ამოიკვეთოს ქირურგიული გზით.