აკნე

მიმოხილვა

აკნე ეს არის საკმაოდ გავრცელებული კანის დაავადება, რომელიც ხასიათდება პაპულების, პუსტულების და ზოგჯერ კვანძების გაჩენითაც კი. როგორც წესი ჩნდება სახეზე, მკერდზე, მხრებსა და ზურგზე. აკნე შეიძლება შეგვხვდეს ნებისმიერ ასაკში და ნებისმიერი რასის წარმომადგენელში, თუმცა ყველაზე მეტად აღინიშნება მომწიფების ასაკში მყოფ თინეიჯერებში, რაც ძალიან ცუდ გავლენას ახდენს მათ ფსიქოლოგიურ მდგომარეობაზე. განარჩევენ ვულგარულ, კონგლობატურს და ახალშობილების აკნეს.

სიმპტომები

აკნეს სიმპტომები დამოკიდებულია მდგომარეობის სიმძიმეზე და გვხვდება:

 

  • დახურული თეთრი კომედონები
  • ღია შავი კომედონები
  • წითელი პაპულები
  • ჩირქიანი შიგთავსის მქონდე პუსტულები
  • ფართე და მტკივნეული კვანძები
  • მტკივნეული, ჩირქიანი ცისტური კერები

 

 რომელიმე ამ სიმპტომის შემჩნევისას აუცილებელია ვიზიტი ექიმთან, რადგანაც აკნე საჭიროებს აუცილებელ მკურნალობას რათა პრევენცია მოხდეს აკნეს შემდგომი ნაწიბურების გაჩენის და ხელი შევუწყოთ გამონაყარის მალე ალაგებას.

მიზეზები

აკნე ანთებითი დაავადებაა, რომლის წარმოქმნაშიც მონაწილეობს ანდროგენ დამოკიდებული ცხიმოვანი ჯირკვლები, ჰორმონალური სტატუსი, ბაქტერიული ფლორა და იმუნური პასუხი. გენეტიკურმა წინასწარგანწყობამაც შეიძლება იქონიოს როლი აკნეს განვითარებაში.

გამოიყოფა აკნეს გამომწვევი ოთხი ძირითადი მიზეზი:

 

  • ცხიმის ჭარბი სეკრეცია
  • თმის ფოლიკულის დაბინძურება ცხიმით და მკვდარი უჯრედებით
  • ბაქტერია (Propionibacterium acnes)
  • ანდროგენების აქტივობა

 

ასევე არსებობს აკნესთან ასოცირებული ფაქტორები როგორებიცაა:

 

  • კანის ტრავმა - შეიძლება ხელი შეუწყოს ანთებითი პროცესის გაღვივებას.
  • სტრესი - ფსიქოლოგიური სტრესი აუარესებს მდგომარეობას.
  • ინსულინ რეზისტენტობა - შეიძლება გაზარდოს ანდროგენების გამომუშავება რაც თავის მხრივ ასტიმულირებს ჭარბი ცხიმის გამოყოფას.

 

არსებობს რამდენიმე მითი აკნეს გამომწვევ მიზეზებთან დაკავშირებით. ამიტომ გახსოვდეთ რომ მის განვითარებასთან არანაირი კავშირი არ აქვს ცხიმიან ან ტკბილ საკვებს, ჰიგიენას და სექსუალურ აქტივობას.

მკურნალობა

საჭირო მკურნალობის შესარჩევად აუცილებელია შეფასდეს აკნეს სიმძმე, კანის ტიპი და მოვლის რუტინა, ჰორმონალური სტატუსი. მკურნალობის დროს გამოიყენება:

 

  • ადგილობრივად რეტინოიდები 
  • ადგილობრივი ანტიმიკრობული საშუალებები
  • ორალური ანტიბიოტიკები
  • ორალური იზოტრეტინოინი
  • ფრაქციული ლაზერი

 

დაავადების სიმძიმე განსაზღვრავს თუ როგორ იქნება ეს საშუალებები გამოყენებული, ცალკეულად თუ ერთმანეთთან კომბინაციაში.

პრევენცია

აკნეს დროს რეკომენდებულია :

 

  • სპეციალურად ცხიმიანი კანისთვის შერჩეული სახის მოვლის საშუალებების ხმარება, იქნება ეს გამწმენდი თუ საცხი.
  • სწორად შერჩეული კოსმეტიკური საშუალება წარწერით - არაკომედოგენური (non comedogenic / Oil free)
  • მზის დამცავის გამოყენება

 

უშუალოდ ექიმის რეკომენდაციით დასაშვებია პილინგის პროცედურები, მეზოთერაპია, პლაზმათერაპია, ლაზეროთერაპია. ეს პროცედურები მნიშნელოვნად აუმჯობესებენ აკნეს მდგომარეობას და მნიშვნელოვანია აკნეს შემდგომი ნაწიბურების მკურნალობაშიც.

შეკითხვა დერმატოლოგს

ანონიმური, სწრაფი, დაცული

შეკითხვა დერმატოლოგს