დისჰიდროზი

მიმოხილვა

დისჰიდროზი ეს არის მდგომარეობა, რომელსაც ახასიათებს ქავილი და ბუშტუკოვანი გამონაყარი ფეხისა და ხელის გულებზე, ასევე თითებზეც. როდესაც კანზე გაჩენილი ბუშტუკები შრება, კანს ქერცლიანი შესახედაობა ეძლევა. დისჰიდროზი წელიწადში რამდენჯერმე შეიძლება განმეორდეს. შემთხვევათა 80% მხოლოდ ხელის გულებს აზიანებს.

სიმპტომები

დისჰიდროზული ეგზემა იწყება სიმეტრიული, დაჯგუფებული ვეზიკულების, ბუშტუკების გაჩენით ფეხისა და ხელის გულებზე, რომელსაც თან ახლავს ქავილი, მძიმე შემთხვევაში კი კანის ტკივილიც. პატარა ბუშტუკები ზოგჯერ დიდ ბუშტებში შეიძლება გადაიზარდოს.

მიზეზები

დისჰიდროზის გამომწვევი უცნობია, მაგრამ არის ფაქტორები რომლებიც შეიძლება ასოცირებული იყოს მის განვითარებასთან :

 

  • ატოპიური დერმატიტი
  • კონტაქტური ალერგენებთან შეხება, განსაკუთრებით მეტალებთან, ქიმიურ საშუალებებთან, შალთან ა.შ
  • დერმატოფიტია
  • ჰიპერჰიდროზი
  • მოწევა
  • მზის ულტრაიისფერი გამოსხივება

მკურნალობა

მკურნალობა დამოკიდებულია დაავადების სიმძიმეზე და გამოიყენება:

 

  • ადგილობრივად კოსტიკოსტეროიდები
  • ადგილობრივი კალცინევრინის ინჰიბიტორები
  • სისტემური კორტიკოსტეროიდები
  • PUVA თერაპია

პრევენცია

  • ნელთბილი წყლის გამოყენება
  • ბეჭდის მოხსნა ხელის დაბანამდე
  • დაბანის შემდეგ ხელის მაშინვე გამშრალება
  • ხელის დამატენიანებლის წასმა რაც შეიძლება ხშირად
  • სველი სამუშაოების შესრულებისას ბამბის სარჩულიანი ხელთათმანის ხმარება
  • სიცივეში გარეთ ხელთათმამნების ხმარება
  • ნაკლები შეხება გამღიზიანებლებთან

შეკითხვა დერმატოლოგს

ანონიმური, სწრაფი, დაცული

შეკითხვა დერმატოლოგს