ჩუტყვავილა

მიმოხილვა

ჩუტყვავილა მწვავე, მაღალი კონტაგიოზურობის მქონე ვირუსული ინფექციაა, რომელიც მიმდინარეობს გამოხატული ინტოქსიკაციით, ცხელებით, კანსა და ლორწოვან გარსებზე წვრილი ბუშტუკოვანი გამონაყარით. უფრო მეტად გვხვდება ბავშვთა ასაკში. დაავადებას იწვევს ვარიცელა ზოსტერის ვირუსი, იგივე მესამე ტიპის ჰერპესვირუსი და დაავადების წყაროს წარმოადგენს ინფიცირებული ადამიანი ( იგი გადამდებია გამონაყარის გაჩენამდე 2 დღით ადრე და გამონაყარის გაჩენიდან 5-7 დღის განმავლობაში). ვირუსი გადადის ჰაერ-წვეთოვანი და კონტაქტური გზით. ჩუტყვავილა განსაკუთრებით საშიშია ჩვილ ბავშვებში, როდესაც დაინფიცირება ხდება ტრანსპლაცენტარული გზით და დედიდან გადაეცემა ნაყოფს. ინფექციას ახასიათებს თავის ტკივილი, საერთო სისუსტე, უმადობა, წვრილი, ვარდისფერი ლაქოვანი გამონაყარი, რომელიც შემდგომ ბუშტუკოვანში გარდაიქმნება, რომლებიც შეიძლება გასკდეს და წარმოქმნას ფუფხები კანის ზედაპირზე. ჩუტყვავილას გადატანის შემდეგ რჩება მყარი იმუნიტეტი და ძალიან იშვიათად, რომ მეორედ განმეორდეს. საბედნიეროდ არსებობს ვაქცინა ჩუტყვავილას წინააღმდეგ, რომელიც იცავს ადამიანს ინფიცირებისგან.

სიმპტომები

დაინფიცირებულ პირთა კონტაქტის შემდეგ ჩუტყვავილას ქავანა ბუშტუკები ჩნდება 10 დან 21 დღემდე და ძირითადად გრძელდება 5 დან 10 დღემდე. გამონაყარის გაჩენამდე შეიძლება აღინიშნებოდეს სიმპტომები როგორებიცაა :

 

  • ცხელება
  • მადის დაქვეითება
  • თავის ტკივილი
  • საერთო სისუსტე

 

როდესაც უკვე გამონაყარი ჩნდება, ის გაივლის სამ ფაზას :

 

  • ამოწეული ვარდისფერი და წითელი პაპულები, რომლებიც რამდენიმე დღის მანძილზე ჩნდებიან.
  • პატარა სითხით სავსე ბუშტუკების გაჩენა (ვეზიკულების), რომლებიც ფორმირდება ერთ დღეში და შემდეგ სკდება.
  • ქერქის გაჩენა გახეთქილი ბუშტუკების ადგილას, რომელიც ნელ ნელა ხორცდება.

მიზეზები

ჩუტყვავილას იწვევს ვარიცელა ზოსტერის ვირუსი და ვრცელდება ჰაერწვეთოვანი ან კონტაქტური გზით, ტოვებს მყარ იმუნიტეტს და ძალიან იშვიათია ახლიდან დაინფიცირების შანსი.

მკურნალობა

მკურნალობა ძირითადად ეფუძნება ჰიგიენური ნორმების დაცვას, როგორებიცაა :

 

  • ტანსაცმლისა და თეთრეულის გამოცვლა
  • პირის ღრუს ჰიგიენურად დამუშავება
  • ანტისეპტიკური საშუალებების გამოყენება
  • ბავშვებში ფრჩხილების დაჭრა, რათა ზედმეტად არ გაღიზიანდეს ქავილით კანი.

პრევენცია

ჩუტყვავილის საწინაარმდეგო ვაქცინა არის ყველაზე კარგი გამოსავალი ვირუსისგან თავდასაცავად. ვაქცინაციის შემდეგ შეიძლება მოხდეს დაინფიცირება, მაგრამ ძალიან რბილ ფორმებში.

შეკითხვა დერმატოლოგს

ანონიმური, სწრაფი, დაცული

შეკითხვა დერმატოლოგს