ბრტყელი ლიქენი ეს არის ქრონიკული,ანთებითი, მორეციდივე დერმატოზი,რომელიც უმეტესწილად გავრცელებულია საშუალო ასაკის მოზრდილებში და გვხვდება მოახლეობის 0,2 -1%-ში. უმეტეს შემთხვევაში ზიანდება პირის ღრუც, რაც მეტად აღინიშნება ქალებში ვიდრე მამაკაცებში, ხოლო შემთხვავათა დაახლოებით 10% ფრჩხილის ბრტყელ ლიქენს განეკუთვნება. ის ხშირად იწვევს შეშუპებას და აზიანებს კანს, თმას, ფრჩხილსა და ლორწოვან გარსებს. კანზე ძირითადად გამოიხატება როგორც მოიისფრო, ქავილის გამომწვევი, ბრტყელი კვანძი, რომლებიც მრავლდება რამდენიმე კვირის განმავლობაში. ლორწოვან გარსებზე დაზიანება მოგვაგონებს თეთრ მაქმანისებურ ლაქებს, რომლებიც შესაძლოა საკმაოდ მტკივნეულიც კი იყოს.

ბრტყელი ლიქენის სიმპტომები და ნიშნები განსხვავდება დაზიანების კერიდან გამომდინარე. ტიპიური ნიშნები და სიმპტომებია:

• მოწითალო-მოიასამნისფრო ბრტყელი მუწუკები, რომელიც ყველაზე ხშირად გვხვდება წინამხარზდე, მაჯასა თუ მუხლზე.
• თეთრი ლაქები პირში, ენასა თუ ტუჩზე.
• მტკივნეული ჭრილობისმაგვარი დაზიანება პირის ღრუსა და სასქესო ორგანოზე.
• თმის ცვენა
• თავის კანის ფერის შეცვლა
• ფრჩხილის დაზიანება ან დაკარგვა

ადგილობრივი მკურნალობა გულისხმობს გამოყენებას :

• ლოკალურად სტეროიდების
• ლოკალურად კალცინევრინის ინჰიბიტორების
• ლოკალური რეტინოიდების
• კანქვეშა სტეროიდული ინექციების. ასევე შეიძლება საჭირო გახდეს ანტიბიოტიკის მიღება.